पर्बत – सिप सिकौ आत्मनिर्भर बनौं भन्ने मुख्य उद्देश्यको साथ सूर्योदय वोमि लघुबित्त बित्तीय संस्था लि.शाखा कार्यालय मल्लाज , माझफाट ,पर्बतले मिति २०८१।०१।३० गतेका दिन पर्बत जिल्लाको जलजला गाउँपालिका ०२ साम्मारे जि सि भवनमा बित्तीय साक्षरता तथा च्याउखेति सम्बन्धि तालिम भब्य रुपमा गरेको छ ।
करिब ८० जनाको सहभागिता रहेको उक्त कार्यक्रमा कार्यक्रमको सभापतिको रुपमा स्थानिय समाजसेबि महिला तथा यसै संस्थाकि सदस्य सन्तु घर्ति क्षेत्री रहनु भएको थियो भने कार्यक्रमको प्रमुख अतिथी जलजला गाउँपालिका ०२ का वार्ड सचिब रहनु भएको थियो । बित्तीय साक्षरता तथा संस्थाको परिचय एवं कार्यक्रमको उद्देश्य बारे संस्थाका अनुगमन अधिकृत मेख बहादुर आले ज्युले प्रष्ठ पार्नु भएको थियो भने । शाखा प्रमुख अजय कोइरालाले संचालन गरेको कार्यक्रममा उपस्थित अतिथीलाइ टिका तथा फुल मालाले शाखाका कर्मचारीहरुले स्वागत गर्नु भएको थियो भने स्वागत मन्तव्य तथा लघुबित्तले समाजमा गरेको योगदानबारे विभिन्न कुरा दर्बाङ्गका शाखा प्रमुख दधिलाल किसानले राख्नु भएको थियो ।
समाजमा लघुबित्तले दिएको योगदान र बित्तीय चेतनालाई सदैब कदर गरेर व्यावसायिक बन्न स्थानिय समाजसेबि एवं कार्यक्रमका अतिथी हरि बहादुर जिसिले सम्पुर्णलाई सल्लाह दिदै लघुबित्त द्वारा प्रदान गरिने यस्ता किसिमका सिपमुलक कार्यक्रमले अत्यन्तै राम्रो गरेको कुरा समेत गर्नु भएको थियो । स्थानिय समाजसेवी कमल बिश्वकर्माले सफलताको उदाहरण सहित मन्तव्य दिनु भएको उक्त कार्यक्रममा जिल्लाको सदरमुकाममा रहेको प्रहरी चौकिबाट प्रहरी अधिकृत ज्युहरुको पनि सहभागीता रहेको थियो ।
अत्यन्तै कुशल प्रशिक्षण गर्नु भएका प्रशिक्षक गणेश बहादुर चोखालले कार्यक्रमले समाजमा धेरै राम्रो असर पुराउने कुरामा ढुक्क रहेको बताउनु भएको थियो भने सहभागी सदस्य दिदि बहिनिहरुले लघुबित्तले दिएको सिपबाट आफुहरु धेरै अघाडि बढ्ने र समाजमा उदाहरणीय बन्ने छौँ भन्ने कुराको प्रष्ट पार्दै सो कार्यक्रमबाट अत्यन्तै खुशी भएको समेत बताउनु भएको थियो । बिहान ९ बजेबाट सुरु गरिएको कार्यक्रम साझ ७ बजे सम्म चलेको थियो ।
