58Shares
काठमाडौं- नेपाल ‘ए’ र आएरल्यान्ड ‘ए’ बीच शनिबार दोस्रो टी-२० अभ्यास खेल हुँदैछ। त्रिवि मैदान क्रिकेट मैदान त्रिपुरेश्वरमा दिसँसो १ बजे खेल सुरु हुने नेपाल क्रिकेट एसोसिएसन (क्यान) ले जनाएको छ।
पहिलो खेलमा आयरल्यान्डसँग २१ रनले पराजित भएका कारण आजको खेल नेपालका लागि निकै महत्वपूर्ण छ। तीन खेलको सिरिजमा १-० ले पछि परेको नेपाललाई आज जित्नैपर्ने दबाब छ।
शुक्रबार सम्पन्न खेलमा २२३ रनको लक्ष्य पछ्याएको नेपाल १९.३ ओभरमा २०१ रनमा अल आउट भएको थियो। अन्तिम २२ बलमा नेपाल १२ रन बनाउँदा ७ विकेट गुमाएपछि नेपालले खेल हारेको थियो।
बिहीबारका लागि तय गरिएको पहिलो खेल वर्षाले प्रभावित भएपछि शुक्रबारका लागि सारिएको थियो। उक्त खेलमा नेपालका लोकेश बलमे १०६ रनको शतकीय पारी खेलेका थिए।
