राष्ट्रिय स्तर कार्यक्षेत्र भएको सूर्योदय वोमी लघुवित्त वित्तीय संस्था लि.को शाखा कार्यालय बट्टारले समूहमा आबद्ध सदस्य महिलाका लागि झोल साबुन तथा फिनेल बनाउने सम्बन्धी तालिम दिएको छ । उक्त संस्थाले आफ्नो कार्यक्षेत्रमा पर्ने समूहका सदस्यहरु उद्यमी बनाउने उद्देश्यले एक दिने तालिम दिएको हो ।
संस्थाबाट ऋण लिएका महिललाई उद्यमी बनाएर आयआर्जन गर्नका लागि तालिम प्रदान गरिएको अनुगमन अधिकृत पोखेलले बताउनुभएको छ
पछिल्लो समय ऋण लिएर सही सदुपयोग नगर्दा धेरै महिलाहरु समस्यामा परेका बेला उद्यमशिलता विकासका लागि तालिम मार्फत सीप प्रदान गर्न संस्थाले पहल गरेको अनुगमन अधिकृत स्याम पोखेलले बताउनु भयो ।
यसैबीच तालिमका सहभागि सदस्यहरुले बोल्दै सीप सिकेपछि लिएको कर्जा मार्फत आय आर्जन गर्न सहयोग पुग्ने र सस्थाले अझ बढी यस्ता तालिमहरु आयोजना गरेको खण्डमा सत प्रतीशत ऋणि हरुको आर्थिक स्तर माथी उठ्ने बताउनु भएको छ ।
